orkeni on justtake.net

Orken KENZHEBEK Photos & Videos on Instagram

@orkeni See full size profile   Журналист. Медиалектор. Путешественник. Photo: iPhone XS Сабыржанайрин бойынша сюда -

1 day ago

💪 Сексен де төрт мың екі жүз адамнан асыпсыздар.. ⠀ Осы көп нүкте қойсам, нанның бетіне май жаққан секілді сөзіме мағына кіреді деп ойлаймын-ау) Леп, леп белгісі тұрсын да, құрсын, лап-лап етіп!!! Инстаграмда жүрген жеті жылымда осымен 3254-ші жазбамның қамырын илеп отыр екенмін. Маған сонау кезден сенім білдіріп, шатпақтарыма жүйкелеріңіз шыдап келе жатқандарыңызға мың да жүз екі алғыс! Сіздерге де төзу маған оңай емес, әйелім, одан кейін мына Сіздердің кейбір комменттеріңіз самайымды ағартты емес пе?) ⠀ Айтайын дегенім, мені кім жарнамаламады? @saken_maigaziyev бастап @kair_n , @toregalitoreali , @tamara_assar_official , @aibek_janseitov , @mussilim секілді өнердің майталмандары, @mukhamedzhan_tazabek , @bekbolat.tleukhan , @kuantr , @balgynbek_official , @aidyn_nury секілді руханияттың жүйріктері дүркін-дүркін жарнамалады. @bayanmaxatkyzy , @yelikbayev , @alibekovkz , @dinarasatzhan сияқты орыстілді жұлдыздар да жарылқаған. Кейбіреулерін ұмытып кетсем, кешірім сұраймын. Бір рет гивке де қатыстым, иә.. Сіздерге де екі рет иіліп, үш рет бүгіліп рахмет айтамын! ⠀ ❤️ Бұйырғаны – осы. Сіздер. Ары қарай жалғастыра береміз, иншалла! Әлі талай саяхаттар болады, әлі небір жазбалар жазылады, Алла қаласа! Айтпақшы, осы жазда, мүмкін, күзге таман «Өркеннің өрнегі» деген алғашқы онлайн-сабақтарымды Сіздерге ұсынып қаламын. Оны да күте жүріңіздер.. Қанша дегенмен, 12 жылдық журналистік, 9 жылдық блоггерлік, 8 жылдық дебатёрлік, 7 жылдық лекторлық тәжірибем жиналып қалыпты. Осы кезде болмаса, енді қашан, айтыңыздаршы?) Жарайды, осымен бір тоқтам. Ақ бет, қара бет, көк бет, қысқасы, баршаларыңыздың беттеріңізден сүйдім!

1.6k0
3 days ago

☝️ Ғалымның хаты өлмейді. Ол жарайды, журналистің жазғаны ше? Одан кейін жалбыраған бірнеше жапырақ газет қала ма? Менен немереме не қалады? Жазған посттарымның скриншоттары ма? Өкінішке қарай, солай ма деймін сау ақылға салсаң. Ал @samgau_nasipkhan секілді шеберден ең құрығанда баласына дейін жетер саптама етік қалады. Мынау @abzal_moldabek -дай зергерден ең болмағанда немересіне күмістен құйып, алтыннан түйілген сақина болсын қалады ғой.. Сондықтан да, осы тектес шеберлерді кейде өзімнен артық құрметтеймін. ⠀ 🙏 Өзі былай ғой, бізде 18 млн адамнан астық деп кеудемізді ұрып жатқанда, нақты еңбекке жарайтыны 9 млн-ға да жетпейді екен. Сонда еңбеккеш бір адам өзін және екінші адамды асырап жатыр. Әрине, ол зейнеткер, түрмекеш, студент, сәби болсын - неважно. Енді мынаған қараңыз, осы еңбекке жарамды тоғыз миллиондай адамның жасағанымен мемлекеттің байлығын есептейді. Экономикасын есептейді. Әлгі ішкі жалпы өнім, тағы бірдеңе деп. Сонда осы елдің реальный дамуы үшін үлесті Кентау трансформатор зауытындағы қатардағы жұмысшы беріп жатуы мүмкін. Себебі, оның қолынан ертең экспортқа шығатын жабдықтың болты бұралды дегендей. Ал біз сөздің үстіне сөз көбейткеннен басқа не істеп жатырмыз? Қаптаған журналист пен блоггердің нақты экономикаға алып келіп жатқан үлесін кім есептейді. ⠀ 🤲 Айтайын дегенім, сол үшін қолынан бір бұйым жасау келетін адамның бәрін жақсы көремін. Әйтеуір, ел-жұртқа пайда деп. Соның бірі – @abzal_moldabek бауырым. Зергер. Әдетте Қазақстандағы зергер дегеннің дені орыс не жөйіттен. Мынау – қазақ. Металлды жалпайтып беретін пресстен басқа құралдың бәрі - шетелден, ал үйренетін кітап – орысша. Ең қызығы, зергер деп танылып қалған қазақтар өз шеберханаларына бізді бәсекелес көріп кіргізбейді дейді. Сонда әркім бір білезікті әр жолмен жасайды. Өзі тапқан әдісін өзімен бірге көрге тықпақ. Сондықтан, Абзал қазір сақина соқса да, сырға жасаса да, бейнеге түсіріп, Ютубқа салып жатыр. Өзінен де басқа да жастар осы өнерге ұмтылса деп.. Шындаса, зергерліктен жақсы ақша табуға болады екен дейді Абзал менен сырғаға тапсырыс алып жатып. Суретшілікке сәл ебің болса, осындай кәсіп жақсы ғой. Сөзге сөз қосқаннан гөрі)

2.2k0
5 days ago

⏳ Ары ойландым - арым жібермеді. Бері ойландым – әлі беретінім де жоқ емес сияқты. Кандидаттарға қараймын – томар бет, тұман көзділері көп секілді ме, қалай? Ұрандарына қарасаң, жын ұрып кете жаздайды. Интернетті өшіремін, Әблязовты елге қайтарамын, түнгі клубта қымыз іштіремін, коммунизмнің сарқыншағымен күресемін... бла-бла. Әрине, бұндай ұсыныстары не ақылға қонбайды, не құлаққа кірмейді. Просто тістің арасына кіріп, құрт боп шірітеді де сосын. Содан ел мен жер маған қарап қалды-ау деп сайлауға өзім түсіп, үгіт-насихат жұмыстарына рұқсатсыз кірісіп кеттім. Десең, иә?) ⠀ 💡 Өткен аптаның өзінде Астанадағы 54-ші мектеп-лицейдің оқушыларымен, Қазақ ұлттық өнер университетінің студенттерімен кездесіп тастағанмын. Екі күн алдын Талдықорғандағы М.Тынышпаев атындағы Алматы облыстық тарихи-өлкетану музейінде жиналған жұрт алдында сөйлеп сол. Музейшілердің күнінде Музей түні болған. Мынау сол кездесуден сурет. Айтайын дегенім, осылай елдің алдына шыға берсең, өзіңнің сөзіңнің буына өзің пісіп, сайлау-майлау туралы сұрқия ойлар келгіштей береді екен өзі) ⠀ 💎 Әзіл әзілімен, кезекті басшымызды сайлап алар күнге дейін санаулы күн қалыпты. Сіздерден сұрайын дегенім, биыл өзі сайлауға барасыздар ма? Барсаңыздар, не үшін? Бармасаңыздар, не үшін? Сосын сіз кандидат болсаңыз, қандай ұсыныс айтар едіңіз? Былайша айтқанда, қандай мәселені бірінші болып шешер едіңіздер?

1.5k0
1 week ago

#мотивация @schwarzenegger деген атамыз бар. Жасы жетпістің үшеуіне жақындап қалды-ау. Сондықтан, оны ендігі буын ескермей жатса, ал өткенде студенттермен өткен жиында оны біреуі де жыға танымады-ей, ешкімге ренжи алмайсың.. Ренжімеймін деп қоямын, қалай ренжімейсің?) Культуризм деген спорт бойынша Құдай-ау, «Мистер Олимпия», «Мистер Вселенная» деген ең мәртебелі сыйлықтарды кезінде жапырғанын білу керек еді ғой. Ең құрығанда, оның Джеймс Кэмеронның әйгілі Терминаторы екенін тап басып айту керек еді ғой. Демек, әлемдік кино мен спорт тарихын білмейтін мұрынбоқтардың алдында болыппын ғой деп өзімді жұбатып қояйыншы) ⠀ Әзіл ғой, әйтпесе, әр заманның өз пірі болатынын білемін. Біздің жастық шағымыз бұлшықеттері бұлтылдап тұратын осы адамның фильмдерімен өтті. Сол үшін де тұлғасы ерекше ыстық шығар.. Әлі есімде, ауылға қандай да бір жолмен «Аргументы и факты» деген газет бірдеңеге оратылып келіп қалды. Тараздан оған алма орап жіберген бе, сондай. Ол кезде ақпарат деген тапшы. Ашып қалсам, ортасында - Шварценеггердің орысша сұхбаты. Қырқып алғансың ғой, сол сұхбат әлі күнге архивімде сақтаулы. Соның тақырыбы әлі есімде – «Мой самый недооцененный мускул – это мой мозг». Рас қой, жұрттың бәрі оның сыртқы бұлшықетіне қарап, ақыл-парасатына аса мән бермеген де шығар. Сондықтан, Шварценеггердің лекциясындағы мына бір ойын кесіп алып, Сіздерге ұсынуды жөн көрдім. Мықты ғой, айтыңдаршы) Әлде маған солай көріне бере ме?)

1.7k0
1 week ago

🎒 Мен неге саяхатқа шығамын? Әсер ме, жарайды, ол – әсер ғой.. Бірақ, бұдан да салмағы кем соқпайтын себебі – әлі дым көрмегендігім. Мысалы, өз басым мүмкіндік бола тұрса да шетелде оқымадым, онда айлап тұрмадым, MBA бітірмедім дегендей. Осының есесін ең болмаса, көбірек саяхаттап, жиірек жол жүріп алғым келетіні бар. Себебі, дүниетанымың құдықтың түбіндегі құрбақадай тарылып қалмас үшін оқығаныңды көргеніңмен салыстырып, білгеніңді түйгеніңмен таразылап жүру керек. Абай өзінің Жидебайынан шықпай-ақ, ғұлама болды. Енді ол Абай. Енді ол заман – басқа. Ал біздің заманда қаншама мүмкіндіктер тұр! Неге пайдаланбасқа? ⠀ 🔌 Сосын неге саяхатқа лажы болса жасырақ кезінде шыққан дұрыс дерсіз.. Себебі, менің ішімдегі бала Өркен күннен күнге өліп барады. Ол бұрын жиірек сұрақ қоятын. Ол бұрын әр нәрсеге көбірек таң қалатын. Жыл өтіп, жасың келген сайын қатты әсер алуың да қиындай береді. Бәленің бәрін көргенсің.. Сондықтан, әбден қартайғанда барып шетел аралап жүретін азаматтарда әсер де азырақ болатын шығар деп ойлаймын. Мүмкін, қателесермін. Сондықтан да шама келгенше саяхаттауға тырысамын. Бірақ, биыл міне бесінші ай сырғып барады, барғаным – тек бір ел. И то Россия. Алла қаласа осы жылы бұрын бармаған Корея, Гонконг, Макао, ОАӘ секілді елдерге барамын деген жоспарым бар. ⠀ 💎 Ал әзірге ел ішіндемін. Бүгін Елордадағы ең мықты мектептердің бірі - №54 мектеп-лицейінің оқушыларымен кездескенмін. Еркін әңгіме. Осы сенбі бұйырса Талдықорғандамын. М.Тынышпаев атындағы Алматы облыстық тарихи-өлкетану музейінде, сағат 18.00 – да оқырмандармен кездесуге шақырып жатыр. Талдықорғанда қандай оқырманым бар, келіңіздер, есік ашық! Ал жексенбі бұйырса Алматыда ауыз ашсам деп отырмын. Осылай! #kazakhstan #instakz

1.9k0
2 weeks ago

«Бір кішкентай қыз екі қолына екі алма ұстап отыр екен. Анасы келіп «Біреуін берші» деп қызының басын сипайды. Оны естіген қызы екі алманы да бір-бірден тістеп алады. Ренжігендей болып анасы тұрып бара жатса, қызы «Анашым, мынау дәмдірек екен» деп, алманың біреуін ұсыныпты. Сол сияқты қайсысы «пайдалы» екенін білмей, әмияныңызға бөліп төлеудің карталарын жинап жүрсеңіз, «дәмдісін» мен ұсынайын». Сторителлингтің осындай түрін өткен жолы @abdu_manap деген оқырманым ұсынған еді. Өте қарапайым, дегенмен әсерлі деп білемін. Естеріңізде болса, жарнамалық мәтінді құбылтуға байқау жариялағанмын, сонда бірінші орынды @bazarbek_qamysbayev деген жігіт жұлып кеткен-ді. Иә, осы сторителлингі үшін әрине, @abdu_manap -қа да 10 мың теңгемді қиямын) ⠀ Теңге дегеннен шығады ғой, жөпелдемеде кейде керек затты алуға қаржы жетпей жатады. Мұндай кезде сұрарға туыс таппай, сыйлық ұсынуың тиіс адамның алдында кірерге қуыс таппай жатамыз. Сол үшін бүгінгі және алдағы мейрамдар кезінде өзіңізге не жақыныңызға сыйлық жасаудың ретін тауып, бірақ қаржысын келтіре алмай жатсаңыз, @eurasianbank ұсынысын біле жүріңіз. PayDA деген бөліп төлеу картасы жайлы біраз жазғанмын. Тағы естеріңізге сала кетсем, картаны шығару және қызмет көрсетуі – тегін. Ел көлемінде һәм шекараның сыртында да кез-келген терминалдан төлем жасай бересіз. Демек, кез-келген дүкенде по идее. Сонымен, бұл карта бойынша Сізге 250 000 теңгеге дейін ақша беріледі. Жалақыңыз жақсы болса, лимитті миллион теңгеге дейін қоя аласыз. Енді бір зат алсаңыз, оның бағасы автоматты түрде үшке бөлінеді. Банктің серіктесінен төлем жасасаңыз, артық ештеңе қосып төлемейсіз. Ал серіктес емес дүкендерден болса, бір рет 2 000 теңге комиссия төлеп, 3 айдың ішінде төлеуге болады. ⠀ Мереке құтты болсын! Оразаларыңыз қабыл болсын! ⠀ #eurasianbank

2.0k0
2 weeks ago

Негізі, Арқалыққа жастар форумының бас қонағы ретінде барған едім. Сосын қала әкімі Эльдар деген мырза кабинетінде күтіп отыр деген соң, кіріп шықтым. Жылаған жоқ. Қаланы жылумен қамтыр мекеме қымбат мазутты жағады екен. Бұл онсыз да аз бюджетті жеп жатқан жегі. Сондықтан, оның орнына Шұбаркөлдің көмірін әкеліп, соны жағатын жылу стансасын салуды жоспарлап отырмыз деді. Сосын қала әкімі мені ет комбинаты мен әне-міне көпбалалы отбасыларға пайдалануға берілетін жаңаша үйге апармақ болған. Бармадым. Басқа маршрут таңдағанмын. Мені алып жүрген мұғалім жігіт пен таксист сол ет комбинатын келген қонақтың бәріне көрсетіп бітті дейді. Оған негізі, бір салғанда 50-60 қойды бірден салу керек екен, әйтпесе тиімсіз. Ал жергілікті қойшылар бұл комбинатқа малын тапсырғысы келмейді. Себебі, тым арзанға бағалайды-мыс. Басқа маршрут дегенде әлі қаңқасы қалған үйлердің фонында суретке түсіп, қанша жылдан бері сатылмай тұрған мешіттің құрылысын көріп қайттым. ⠀ Иә, Арқалық даңғарадай үлкен, бітпей тұрған мешітін 140 млн теңгеге бағалап, саудаға салып жатқан қала ретінде де белгілі. Әлі ешкім алмай жатыр. Бұл мешіттің тарихы сондай: қайбір жылы қала әкімшілігі бір кәсіпкерден мешіт сап беруді өтінеді, бірақ, енді бітейін деп қалғанда ақша береміз деген уәдесінен тайқып кетеді. Содан әлгі кәсіпкер банкрот болады, әкімдікпен соттасады – еш нәтиже жоқ. Мешітті біреу сатып алған күннің өзінде ол орналасқан кезіндегі 7-мөлтек ауданнан жылуды ажыратып тастаған. Өзі сол үшін ғой - қала тұрғындарының орталыққа қарай ығысқаны. Қысқасы, қаланың болашағы туралы маған бірдеңе деу қиын. Бір жағынан, негізгі кені – боксит бітті, екінші жағынан, Арқалықтың сазынан керемет кірпіш жасауға, ақ пен қара мәрмәрін қазуға, нефриті мен қорғасынын өндіруге болады. Бірақ, екінші жоспар бойынша әлі жасалар жұмыстар қағаздың бетінен өмірге көшкен жоқ. Сондықтан, Арқалық әзірге қала мәртебесі бар үлкен ауылдай елестеді маған. «Парасат майданында» мысалға келтірген Темір қаласы секілді... #арқалық

2.1k0
2 weeks ago

🦷Арқалық – менің өмірімде Тараздан кейін көрген екінші қала. Бұл қалаға Сәбет өкіметінің жаны әлі кеудесінен шықпаған кезінде сапарлап барғанмын. ЯК-40 деген ұшақпен. 89-жылы. Енді тағы бардым. Астанадан 14 сағатта жететін есек пойызбен. Сол баяғы әсерді қайталағым келді ме, әуежайына арнайы бардым. Туалетке қойған «Капитал» кітабындай жалбырап тұр. Бетон қабырғаларынан басқасын жұрт жұлмалап бітіпті. Қайта қалпына келтіру керек десе де, Арқалыққа құмартып тұрған адам бар ма екен, одан басқа жаққа ұшуға қалтасы кішкене қалыңдау адамдар қанша, білмейді екенмін... Қирап тұрған бұл ғана емес. Қаланың талай ауданы түгелімен қаңырап қалған кезінде. Арқалыққа Берік Әбдіғали әкім боп тұрғанда осы үйлерді қиратуға өкіметтен ақша бөлдіртіп, динамитпен жаруды бастаған. 118-дей көпқабатты үйден 2-3 үй ғана қалыпты. Содан да, бұрынғысына қарағанда қазір жинақы көрінеді. Берік кетісімен, үйлерді қирату мен жол жөндеу де тоқтады дейді мені алып жүрген арқалықтықтар. Әйтеуір, Берік ағамызға әкім ретіндегі құрметі әлі күнге ерекше. Оған дейінгі де, одан кейінгі де әкімдерге көңілі онша толмай тұр) ⠀ Арқалықтың қала болуы осы маңнан боксит табылуымен тағдырлас еді. Бокситтен алюминий өндіреді. Енді сол кен 2 жылда толық бітеді дегенді қала әкімі айтты кеше. Боксит бітсе, оған қарап отырған қала да қиналады деген сөз. Бірақ, бір қуаныштысы – Сәбет өндірісі қасқыр секілді кеннің сүбелі тұстарын жеген де, оған жеткенге дейінгі шөгінділерді жай топырақ деп ештеңеге жаратпаған. Үйе берген. Қаланы айнала сондай жасанды қызыл таулар қоршап тұр ғой. Енді сол карьер топырағының өзінен 25 пайызға дейін боксит табылып отыр екен. Сондықтан, оны өңдейтін зауыт салуға инвесторлар ниетті дейді, рас-өтірігін. Болса, жақсы. Айтпақшы, сол боксит тауларға шығып, карьердің ортасында жерасты суынан пайда болған көкшіл көлдерді көріп, ары қарай көкжиектен Арқалықтың тағы бір беткеұстар мекемесі – түрмесін шолдық. Расында, Арқалық десе, көп адам оның қылмыстық ортада Академия деп атап кеткен әйгілі түрмесін еске алады. Мұнда кемі 20 жылдан жоғары мерзімге сотталғандар жазасын өтейді. Бұны қаланың ішінде үш түрмесі бар тараздық жазып отыр ғой, күліп отыр демеңіз) ⠀ Жазба жалғасы - келесіде. #арқалық

2.3k0
2 weeks ago

Бұл қазақ телевизиясының бәйгесінде аты әлі шауып жүрген жалғыз интеллектуал бағдарлама деп саналады. Түн ауғанда көрсетсе де көретін көрермендері солай дейді. Әрине, жүргізушісі Дархан Әбдік өзіне ыңғайлы, осы тұста білімім толық деген тақырыптарды таңдайды-ау. Себебі, көп хабарында екі қонақты ертіп келсе де, өзімен-өзі сөйлесіп отырғандай көрінеді. Бұл енді оған сәл қарсылардың, дегенмен Дархан мырзаны ұлықтаушылардың пікірі. ⠀ Сондықтан, "Парасат майданына" шақырту алып, оған аман-есен қатысып шығу да бір абырой-ау. Бұл жолы белгілі ақын Оңайгүл Тұржан әпкемізбен бірге шығып, Карл Поппердің ашық қоғам теориясын талқылағандай болдық. Толық ашық болу да, толық жабық болу да біздің жол емес. Егер осы мәселеге қатысты билік пен халық тарабының қайбірінен сұрақтар болса, онда ортадағы қоғамдық келісімді отырып қайта қарау керек. Тек жүгіріп, төңкеріс жолымен емес.. Бұл менің ұстанымым. Сізде басқашалау болып жатса, тегі қуаныштымын! ⠀ Сілтеме профайлымда тұр. Ал мынау қорытынды сөзімнің бірі еді..

2.5k0
2 weeks ago

Осы біз не өндіреміз? Дым дерсіз. Түк дерсіз. Мүмкін, жүн, жоқ, құм дерсіз. Бірақ, жоқ десек жоғала бересің бе, өзі сондай сөзұйық екен.. Ал бар десек, онда не бар? Кеше басталып, бүгін де ертең болатын қазақстандық өндірушілердің «Ұлттық өнім» деген көрмесін көргенмін. Кемі 500-ге жуық кәсіпкер Астананың Тәуелсіздік сарайын хан базарға айналдырып жіберіпті. ⠀ Сонымен, мен не көрдім? Еш ашытқысыз, тіпті ұнсыз, кәдімгі өнген бидайдан піскен наннан бастап, асқабақтан сыққан сусын, түйген жүгері қосылған айранға дейін тұр. Себебі, қазір алдыңғы қатарлы әлемнің адамы азсам, жасарсам, ол құрысын, өлмесем деген қиялдың соңында жүр. Сол үшін «мынау – пайдалы тамақ» дегеннің бәрін үстіне қанша пұл қоссаң да алғалы тұр. Мысалы, қостанайлықтар денсаулыққа пайдалы деген тоғыз түрлі дән қосып жасаған печеньесімен мақтанды, біреуін ертемен жесең, бітті – күні бойы тау қопарасың деді. Солтүстік Қазақстан облысының диқандары еккен зығыр майы соншама ауруға ем деген соң, Құдай сақтасын, ондай аурулардың сипаты да жоқ мен де сатып алдым. Айтайын дегенім, пайдалы тамақты насихаттау мен жеткізу жағын шешсе, Қазақстан бұл жағынан көш бастағалы тұр. ⠀ Тек бұл емес қой – көрмеде киім-кешектен бастап ағаш бұйымдары, қолөнер туындыларынан құрылыс материалдарына, тұрмыстық химиядан косметикаға дейін самсап тұр. Айтпақшы, Астанадан Dr.Herbs деген тіс пастасы шығатынын білгенде, сосын оның әр данасының 100 теңгеден екенін білгенде көзімнен қалай жас шығып кеткенін байқамаппын) Қоқыстан жасалған тротуар плитасын да, бір ішіп, тастай салатын пластик стакандардың орнына қолдануға болатын қағаз стакандарды да көрдім. Шіркін, осының бәрі енді қолданысқа енсе... Осымен бесінші рет өткізіліп жатқан «Ұлттық өнім» көрмесінің мақсаты да осы. Осыған мұрындық болған «Бәйтерек» холдингінің, «Даму» қорының, Нұр-сұлтан қаласы әкімдігінің де мақсаты осы. Менің де мақсатым - жылт еткен жақсылық көруге тырысатын тұсым осы жер деп білу. Алла қаласа, бәрі де жақсы болады! ⠀ #ulttyqonim

2.2k0
3 weeks ago

🙏 Өткенде былай болды.. Еш өңделмеген, шикілей жарнамалық мәтінді алдым да, оқырмандарымның арасында бір шартпен жариялай қойғанмын. Сол мәтінге назарды алып келер сторителлинг тәсілін қиыстырсаңыздар деген шарт болған. Осында 140-тың үстінде нұсқа келіпті, шыны керек, бірінен-бірі асып түсті. Бірақ, ойлана келіп, @bazarbek_qamysbayev -тың жазбасын лайық деп көріп тұрмын. Демек, мен атаған 10 000 теңге де осы жігіттің қалтасына кетеді бұйырса. ⠀ 🤙 Сонымен, Базарбек алдымен мені әлде даттап, әлде мақтап алады) Ұзақ пост жазудан кім десе, есімізге Өркен түседі деп барып, мұндай "жазғыш" Америкада да болыпты, бірақ ол Франклин Рузвельт деген АҚШ-тың президенті еді деп қызықтырады. Себебі, Рузвельт билікке келген алғашқы 11 күнінде Конгресске өзінен кейін 70 жыл ел басқарған "коллегаларына" қарағанда көп заң ұсыныпты деседі. Ол әсіресе Конгрестің келісімін қажет етпейтін "орындаушылық бұйрық" шығаруды ұнатыпты. Базарбекке сенсек, Өркен инстаграмда осы күнге дейін 3239 пост жазса, Рузвельт президент болған 12 жылда мұндай бұйрықтың 3728-ін шығарыпты. Қысқасы, Рузвельт 1933 жылы шығарған осындай бұйрығының бірінде америкалықтарға алтын сақтауға тыйым салыпты. Содан кейін халық жиған-терген алтынын Федералды қорға сатуға мәжбүр болған. Осының арқасында 1937 жылы Американың алтын қоры 3 есе артып, 12 млрд долларға дейін өскен-мыс. ⠀ 💪 Осылай келе жатады да «Ол енді Рузвельттің заманындағы Америка, ал Өркен өмір сүріп жатқан Қазақстанда қазір алтыныңызды да, ақшаңызды да қайда сақтаймын деп бас қатырмайсыз» деп мен берген жарнамалық мәтінге ойысады. «Сақтап қана қоймай, @eurasianbank -тің Gold және одан да бағалырақ Black деген карталары арқылы қалтаңызға бонус та түсіп отырады. Gold картасынан максималды — 4,5%, Black картасынан – 6,5% бонус ала аласыз. Онлайн тапсырыс, дайын болғанда тегін жеткізу, жанасусыз төлем, ешқандай лимитсіз ақша шешім ал, 3D secure қорғанысы туралы айтпаса да болар» деген тұсы енді бағана айтқан дайын мәтін еді. «Ел іші – өнер кеніші» деген осы) ⠀ #eurasianbank

2.2k0
3 weeks ago

🥊 Қайбір жылы Головкин келген. Нұр-Сұлтан қаласына. Сосын Назарбаев университетіне кездесуге барды, қателеспесем. Қорықпаңыздар, ешкімнің басы жарылып, көзі шыққан жоқ - бәрі тамаша өтті. Тек бір жас қыз Головкинді көргенде қуанғанынан көзіне еріксіз жас келді ме, әлде қиқым түсіп кетті ме екен, әйтеуір, көзіне қолын апарып тұрған сәті камераға түсіп қалды. Сол-ақ екен, оңбағыр Нұр, Тенгриньюс «Головкинді көрген қыз жылап қалды» деген тақырыппен ол қыздың фотосын жалаулатты дейсің... Содан екі жыл өткен соң ба, мессенджеріме бір қыз жазады. Сөйтсем, қазір оқиғасын айтып отырған қыз екен. Головкинді көргендегі жылап қалған фотосына бола ата-анасы, туған-туысы әлі мүйіздеп жүрсе керек. Алмақ болып жүрген жігітінің жағы да шамданған ба, сондай. Ютубтан әлгі бейнені қалай өшірсем болады дейді – Құдай-ау, ол енді қалай өшсін, таралып-тамырланып кеткен баяғыда. Шарасыздықтан алақанымды жайдым... ⠀ ❤️ Бұл оқиғаны интернеттегі репутацияны сақтауға байланысты еске алған едім. Өзі репутация деген қоғамның Сізге қойып берген бағасы ғой. Бұл көпшіліктің назарына ұсынылған Сіздің жетістіктеріңіз, жеке қасиеттеріңіз, өмір салтыңыз секілді бірнеше дүниенің нәтижесінен тұрады. Негізі, оны кіршіксіз ұстап тұру қиын – арбауға ереміз, ашуланып қаламыз, шынымызды айтамыз деп сырымызды айтып қоямыз. Сондықтан, ең болмаса, әлеуметтік желіге өміріңіздің бір бөлігін арнаймын десеңіз, мына сұрақтарды қойып көріңіз. Өзіңізге. Мен кіммін? Бұл не (Инстаграм, мысалы)? Ол мені пайдаланып жатыр ма, жоқ, мен оны пайдаланып жатырмын ба? Мен кімді оқимын және мені кімдер оқиды? Мен кіммін тағы да? Юзермін бе, белсенді белсенді қолданушымын ба, блоггермін бе, әлде трендсеттермін бе? Менің айтып жатқан сөзім өзімдікі ме, әлде басқанікі ме? ⠀ 🔴 Осы сұрақтарға жауап бере алсаңыз, онда әлеуметтік желімен қарым-қатынасыңыз әділірек (честнее) бола түседі (сияқты). Ал сіздер интернеттегі репутацияны сақтау үшін қандай кеңес айтар едіңіздер?

1.8k0